Plantun de Prouvènço

Pèr coumpara dos planto d'encò nostre

Crepis micrantha & Campanula rotundifolia subsp. rotundifolia

Crepis micrantha

Asteraceae Compositae

Nom en français : Crépide à petites fleurs.

Descripcioun :
Aquéu lachassoun que nous vèn de Grèço, es uno planto primo, pulèu grando e proun ramificado. Li fueio basalo an despareigu à la flourido alor qu'aquéli de la cambo soun pichoto, entiero e embrassanto. Se recounèis peréu à si pichòti flour coumpausado (< 5 mm de long) en pinceloun (courimbo) d'ounte parton de long péu rede.

Usanço :
Èi bessai manjadis quouro soubro enca li fueio basalo, mai avèn pas d'entresigne segur. Escriéure au site se n'en sabès mai.

Port : Grando erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 0,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Champ - Ermas - Tepiero
Estànci : Mesoumediterran
Couroulougi : Óurigino pountico
Ref. sc. : Crepis micrantha Czerep., 1964

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.